Policia e Lezhës arrestoi sot një 48-vjeçar i shpallur në kërkim ndërkombëtar me qëllim ekstradimin drejt Italisë.
Mësohet se personi i arretuar është Astrit (Nimani) Limani, emër ky jo pak i njohur për drejtësinë shqiptare.
Limani njihet në Lezhë edhe si “Titi i Ukës” dhe është edhe biznesmen të cilit i janë sekuestruar 10 milionë euro pasuri.
Në 15 nëntor 2013, Limani u arrestua në Serbi dhe më datë 20 dhjetor 2013 u ekstradua drejt Italisë, ku ishte dënuar për trafik droge në kuadër të një organizate kriminale, ndërkohë pas kësaj është liruar dhe çështja është kaluar në Apel.
Duket se tashmë drejtësia italiane ka konfirmuar dënimin për Limanin. Ndërkohë pavarësisht kërkimeve nga Interpoli, ai qëndronte i patrazuar në Shqipëri ku zhvillonte aktivitetin e tij si biznesmen, pronar i një kompleksi turistik të njohur në bregdetin e Shëngjinit.
Mirëpo, në vitin 2015 policia e shpalli atë në kërkim si dhe i sekuestroi pasurinë prej 10 milion eurosh.
Ndërkohë, gjykata italiane e ka dënuar 48-vjeçarin me 13 vite burg si i përfshirë në organizata kriminale.