Kush është Nesti Angoni dhe pse goditi Vokshin pas Veliajt? Kjo ishte një nga pyetjet që u diskutua këtë të enjte në studion e Quo Vadis të moderatores Pranvera Borakaj në Vizion Plus.
Politikani Fatbardh Kadilli me batutë u përgjigj se Angoni më shumë ngjan me Diellën e Edi Ramës. Ndërsa për deputetin demokrat Besart Xhaferri SPAK në raste të tilla duhet të japë informacion nëse kemi të bëjmë me dononcues real.
Pjesë nga biseda:
Borakaj: Jemi te Nesti Angoni, pas Veliajt goditi Vokshin?
Xhaferri: Nuk jam jurist. Kur bëhen kallëzime duhen lënë të dhëna reale. Ky lloj anonimati duket sikur nuk ekziston jashtë. SPAK duhet të ishte më kërkues. Nëse është vegël e SPAK për të mbrojtur anonimatin, hajde. Për zonjën Vokshi, besoj ajo është shprehur se është sulm politik, tani të shohim. Unë mendoj se drejtësia përdoret për të mbyllur gojë, për ata që bëjnë dëm. Patjetër që unë kryetarin e PL e quaj rrëmbim, pavarësisht nëse ai del i fajshëm apo jo këtë e vendos gjykata.
Kadilli: Ky Nesti Angoni është bërë si Diella e Ramës.
Borakaj: Mund të përdoret për të goditur.
Kadilli: Nuk është brënda procedurës si në rastin e Velaijt si në rastin e Voskhit. Besoj është një sfidë që PS i bën SPAK. PD duhet të ndajë mendjen do t’i japë mbështetje drejtësisë, apo do thotë është e keqe kur godfet nga ne, dhe i mirë kur godet nga krahë tjetër.