Ndryshe nga sa është menduar deri tani, të konsumosh kafe nuk është e dëmshme për shëndetin e arterieve. Ky është përfundimi i një studimi të Universitetit Queens Mary në Londër të prezantuar në Kongresin e Shoqatës Kardiovaskulare britanike.
Ky studim ka treguar se konsumi i kësaj pije nuk lidhet me acarimin e arterieve, edhe nëse pi 25 filxhanë në ditë.
Nëse këto vena gjaku që transportojnë gjakun e pasur me oksigjen nga zemra në pjesët e tjera të trupit, nisin të ngushtohen, mund të rritet ngarkesa e punës për zemrën dhe mundësia për të pasur një infarkt. Në këtë studim të bërë në 8 mijë persona, hedh poshtë përfundimet e studimeve të mëparshme.
Studiuesit i ndanë në tre grupe vullnetarët, ata që pinë më pak se një filxhan në ditë, ata që pinë nga 1 në 3 filxhanë kafe në ditë dhe ata që pinë më shumë se tre. Janë përjashtuar ata që pinin mbi 25, por nuk kishte ngushtim të arterieve as në këta persona, krahasuar me ata që pinin më pak se një filxhan në ditë.
Gjithashtu u morën në konsiderate edhe faktorë të tjerë, si mosha, gjinia, konsumi i cigares, pesha, gjatësia, konsumi i alkoolit, dieta dhe tensioni i gjakut. Testimet e ndryshme kanë treguar se konsumatorët e moderuar të kafes janë meshkujt, ata që pinin cigare dhe alkool rregullisht, dhe sasia mesatare e konsumit ishte filxhanë kafe në ditë. “Studimi ynë tregon se kafeja nuk është e dëmshme për arteriet siç është thënë në studimet e mëparshme”, thotë Kenneth Fung, koordinatore e studimit.