Eyad Banat ishte shfaqur drejtpërdrejt në TikTok rreth orës 1:30 të mëngjesit, siç bën çdo natë, si pjesë e një fushate në internet për të mbledhur ndihma financiare për fëmijët në Rripin e Gazës të rrethuar, kur dhjetëra ushtarë izraelitë bastisën shtëpinë e tij dhe e dhunuan brutalisht atë dhe anëtarët e tjerë të familjes në qytetin e Hebronit në Bregun Perëndimor.
Videoja, e cila u shpërnda gjerësisht në rrjetet sociale, tregonte ushtarët që shkelmonin Banatin, ndërsa në sfond dëgjoheshin britmat e fëmijëve teksa kërkonin të atin.
“Ata e kapën babanë tim dhe e hodhën në tokë. Ata vazhduan ta rrihnin pa pushim dhe më pas e prangosën dhe e morën”, tha vajza 10-vjeçare e Banatit, Sandy, për Al Jazeera.
“Nuk po bërtisja sepse kisha frikë nga ushtarët. Nuk kam frikë nga ushtarët. Unë isha e shqetësuar për babain tim. Ai u godit në kokë me levë,” vazhdoi ajo.