Kushte komode në gjimnazin e Maqellarës

Bashkia Dibër mbyll me sukses projektin e ndërtimit të gjimnazit të Maqellarës, një investim ky i qeverisë shqiptare dhe gjithashtu përfitues i projektit të skemës pilote rajonale të PZHRSH-së.  Sakaq po fianncohet nga qeveria zviceriane dhe austriake, për ambjentet sportive dhe rehabilitimin e oborrit.  Kryetari i Bashkisë Dibër, Muharem Rama thotë se; “Tashmë kjo shkollë dhe mjediset e saj do te jenë në  shërbim të nxënësve të Maqellarës. Gjithashtu jemi duke rishikuar rikualifikimin urban të zonës përreth gjimnazit, në mënyrë që të kemi kushte sa më të përshtatshme për mësimdhenien e të rinjëve të njësisë administrative Maqellarë. Respekt dhe mirënjohje për të gjithë stafin që u angazhua në këtë projekt si dhe donatorëve tanë pa të cilët ky investim nuk do të ishte i mundur”.  Në bashkinë Dibër po kryhen edhe investime të tjera, por kryesore për dibranët është ndërtimi i Rrugës së Arbërit. / p.h /