Komisioni Qendror i Zgjedhjeve ka vendosur të ndryshojë vendndodhjen e KZAZ nr.16 në Burrel. Sipas vendimit të institucionit ajo do të kalojë nga Pallati i Sportit “Ferit Hysa” tek palestra e shkollës së mesme “Pjetër Budi” të qytetit.
Vendimi vjen pas konstatimit se ambientet e Pallatit të Sportit janë tejet të papërshtatshme, nuk ka kushtet minimale për zhvillimin normal të procesit. Për më tepër pas dhunimit të këtyre ambienteve më 19 qershor.
Lexo edhe- “Digjet” Burreli, simpatizantët e PD-së i vënë flakën materialeve zgjedhore
Bashkia e Matit nga ana e saj nuk mori asnjë masë për kthimin në normalitet të mjediseve të brendshme të jashtme të objektit të dhunuar, teksa ashtu si bashkitë e tjera të djathta këmbëngul që zgjedhjet e 30 qershorit të mos zhvillohen.