Lajme të këqija nga kampi stërvitor i Barcelonës. Sulmuesi Lionel Mesi duket se ka shfaqur sërish probleme dhe tashmë rrezikon të qëndrojë për një muaj jashtë fushave të blerta.
Argjentinasi humbi dy javët e para të kampionatit, mirëpo në ditët e fundit kishte filluar stërvitjen për të qenë në dispozicion për ndeshjen e javës së tretë. Por, në stërvitjen e djeshme, ‘pleshti’ ka pësuar një rënie nga ana fizike.
Diçka që do të shtyjë kohën e rikuperimit, ndërsa me shumë mundësi Mesi do të humbasë edhe debutimin për këtë sezon në Champions League. Tashmë, trajneri Ernesto Valverde duhet të mendojë për rikthimet e Dembele dhe Suarez, ndërkohë shpresat janë te Grizman, i cili e tregoi në sfidën e fundit se mund të udhëheqë ofensivën e katalanasve. Ndërkohë, në klubin blaugran janë në pritje edhe të firmës me Nejmar.