Të shtëna me armë zjarri në Bulqizë, në afërsi të Pishave, qëllohet ndaj biznesmenit.
Një ngjarje e rëndë u shënua në orët e mbrëmjes në Bulqizë. Një person i shpallur në kërkim policor prej disa muajsh, për veprën penale të plagosjes me dashje, ka qëlluar në ajër, në vendin e quajtur Pishat, pak kilometra në dalje të qytetit të Bulqizës.
Një zyrtar i lartë i Policisë Dibër tha për tirananws.al se i kërkuar F.Sh. i ka telefonuar ditët e fundit shtetatit me inicialet Gëzim Balla, ndërtues, dhe i ka kërkuar 1 milion lekë të rinj.
Biznesmeni ka njoftuar Policinë dhe kjo e fundit ka ngritur kurth për ta kapur gjobvënësin. Ndërtuesi dhe efektivë të Policisë kanë mbërritur në vendin ku i kërkuari kishte lënë takim me biznesmenin. Kur janë ndodhur aty, ndërtuesi i ka folur nga një distancë e largët gjobvënësit. “
“Zbrit poshtë dhe hajde e merr lekët”, i ka dhënë Balla telefonuesit. Ky i fundit pasi ka zbuluar se në pyll kishte efektivë policie i ka thënë biznesmenit,”ngjitu ti lart”. Pasi ka hasur në rezitencë gjobvënësi të shtënë në ajër dhe është larguar malit. Policia vijon kërkimet.
Autori i ngjarjes teksa largohej në pyllin e dendur me pisha ka qëlluar disa herë në ajër.
NJOFTIMI I POLICISE:
Policia identifikon dhe vijon kontrollin e zonës për kapjen e autorit të kërcënimit për vënie gjobë ndaj një biznesmeni.Me datë 19.06.2020, shtetasi G.B, (biznesmen), është paraqitur në ambientet e Komisariatit të Policisë Bulqizë dhe ka bërë kallzim, i cili ka deklaruar që është telefonuar dhe kërcënuar për vënie gjobë nga një shtetas.
Falë reagimit në kohë dhe veprimeve profesionale, Policia identifikoi shtetasin F.Sh, i cili kishte telefonuar dhe kërcënuar shtetasin G.B.
Në vijim të veprimeve për kapjen e autorit, policia ka shoqëruar biznesmenin në vendin ku i kishte kërkuar autori që të paraqitej.
Shtetasi F.Sh, i cili ishte fshehur rreth 500 metra në shpatin e malit, ka qëlluar në ajër dhe është larguar me shpejtësi.
Shërbimet e policisë kanë rrethuar zonën dhe vijon krehja për kapjen e autorit