Analisti dhe eksperti Emilio Çika është shprehur se Rusia ia ka dalë që të thyejë embargo diplomatike të vendosur ndaj saj, pas nisjes së pushtimit në Ukrainë.
Teksa ishte I ftuar në Euronews Albania, Çika tha se këtë Rusia e ka arritur edhe me ndihmën e vendeve të treta që nuk janë pjesë e BE-së.
Ai shtoi se OSBE nuk e ka fuqinë që të ushtrojë presion ndaj Rusisë, fuqi që sipas tij e kanë vetëm SHBA-të dhe BE deri diku.
“Konferenca ishte tejet formale dhe ishte një konferencë përmbyllëse e të gjithë punës që kishte presidenca e Maqedonisë së Veriut. Tashmë duhet thënë që fuqia qoftë diplomatike, qoftë e presionit që ka OSBE, nuk është në nivele të tilla që të bëjë presion kundrejt Federatës Rusë.
Vetëm SHBA dhe deri diku BE mund të bëjnë presion ndaj Federatës Ruse. Rusia arriti që të ketë një thyerje të asaj që është embargo diplomatike ndaj saj.
Kemi nja dalje jashtë kufijve të ministrit të saj. Këtë Rusia e ka arritur edhe me grupime të vendeve të treta, që nuk janë pjesë e boshtit SHBA-Europë”, u shpreh eksperti.