Ish-deputeti Lefter Maliqi ishte këtë të shtunë në takimin që Ilir Meta zhvilloi me strukturat e partisë në Kuçovë.
Gjatë fjalës së tij, Maliqi u shpreh se kur Meta u votua për President, Rama ka dhënë urdhër që simpatizantët e LSI të joshen dhe të mbahen në punë në administratë.
Më tej, ai nënvizoi se Kryeministër duhet të ishte Meta dhe jo Rama.
“Zoti Meta. Ju nuk jeni lider i sallave të mbyllura, jeni lider i shesheve. Nëse në takimin e dytë nuk do mbushen sheshet ju them me bindje që mbaj përgjegjësi. Do mbushen e do buçasin sheshet e do t’ia rrëmbejmë pushtetin lokal që e kanë të paaftët, abuzuesit që tallen me taksat e qytetarëve të Kuçovës. Ky Rama i intrigave, djallëzisë, ca ka bërë me LSI se ju ikët President por nuk ju takonte ai kostum presidenti. Ju duhet të ishit kryeministër në vend të tij. Ky i pabesë i dha urdhër administratës që njerëzit e LSI të joshen shantazhohen e mbahen në punë. Kemi bërë verifikim paraprak nga 1300 anëtarë 774 janë në administratën e shtetit në bashki, në hipotekë, në arsim në shëndetësi e na thonë jemi me ju edhe brenda bashkisë por në momentin e punësimit nuk angazhohemi dot.”