G-Bani dhe Valbona kanë patur sot një përplasje mjaft të ashpër me njëri-tjetrin, ku është përfshirë edhe Laerti, i cili i doli në mbrojtje banores.
Debati mes këngëtarit dhe gazetares nisi pasi kjo e fundit po fliste për djemtë e shtëpisë që dalin me mbathje nëpër shtëpi. Valbona i drejtohet G-Banit duke i thënë që ‘të mos i dalë më para me mbathje’. Nga ana tjetër ai i përgjigjet duke i thënë fjalë ofenduese si ‘legene dhe psikopate’.
G-Bani gjithashtu i thotë banores që të ikë nga Laerti dhe ky që ishte i ulur çohet dhe i shkon afër këngëtarit.
“A ishim në një mbledhje që thamë nuk do i shajmë femrat?”, thotë aktori dhe G-Bani i kundërpërgjigjet: “Do t’i fyej, ça do bësh legen?”.
Ndërkohë disa prej banorëve të tjerë u mblodhën tek ata të dy, në mënyrë që të mos lejonin që situata të kalonte në tjetër nivel.