Drejtori i Përgjithshëm i Shërbimit të Transportit Rrugor, Blendi Gonxhe, duke folur për lejen e re të qarkullimit, u shpreh se dokumenti i ri do t’i japë mjaft dinjitet qytetarëve shqiptarë.
Në një lidhje në “Radari Informativ”, Gonxhe sqaroi se drejtuesit e mjeteve që kanë lejen e vjetër të qarkullimit nuk janë të detyruar të marrin të renë. Po ashtu, ai nënvizoi mes të tjerash se në këtë dokument është e përfshirë edhe leja ndërkombëtare.
“Asnjë shtet nuk do e krahasonte atë dokument që kishim, me këtë dokument që pa përsosje të elementëve të sigurisë. Pra absolutisht që mund të ketë ndonjë polic jashtë që nuk pranon shlyerjen e afatit tonë, por ne jemi këtu dhe do sqarojmë çdo rast edhe me shtete e tjera. Është një dokument që zëvendëson lejen ndërkombëtare të qarkullimit. Nëse do të ndodhë ndonjë problem me ndonjë polic, ne jemi këtu për ta sqaruar”, theksoi Gonxhe.