Vetëm pak muaj nga krijimi i selisë së saj në Tiranë Lëvizja Vetëvendosja ka inauguruar aktivitetin e saj në vend, nëpërmjet një feste të organizuar në një prej klubeve të kryeqytetit.
Të ftuar të shumtë nga Kosova, por edhe mbështetës nga Shqipëria, kanë festuar nën ritmet e tingujve të muzikës.
I pranishëm në këtë event ishte kreu i Vetëvendosjes, Albin Kurti, por edhe ministri i për Diasporën, Pandeli Majko.
Albin Kurti tha gjatë fjalës së tij, se tashmë pyetjes se kur do të vijë Vetëvendosje në Tiranë iu dha përgjigjja, ndërsa shtoi se do të punohet për të rritur fitoren.
Lëvizja Vetëvendosje zyrtarizoi aktivitetin e saj në Shqipëri pas pranimit të kërkesës së dorëzuar në Gjykata e Tiranës më datë 11 mars.
