Safet Bajri shijoi lirinë për 6 orë disa ditë më parë për ti dhënë lamtumirën e fundit të atit. Por kjo nuk ka kaluar pa u vënë re nga mediat belge. Pavarësisht se Bajri shoqërohej nga uniformat blu, media belge ‘Het Laatste Niews’ shkruan se ai ruhej nga njerëzit e tij.
Safet Bajri, 34 vjeç, i dënuar me 22 vite në vendin tonë, është lejuar të dalë nga burgu në kryeqytetin shqiptar, Tiranë, të premten. Shqiptari- i njohur edhe me emrin Safet Rustemi dhe i lidhur me rreth 40 vrasje, prostitucion dhe trafik droge- u arrestua shtatorin e shkuar.
“Në orën 10:20, Bajrin e morën nga burgu dhe e transferuan në apartamentin e tij në Shkodër për të ndryshuar rrobat,” raporton media shqiptare. “Më pas ai mori pjesë në ceremoni nën monitorimin e policisë dhe ekipit të tij të sigurisë”.
Pas kësaj, Bajri u rikthye në qelinë e tij, ku duhet të kryejë të paktën nëntë vite për ‘dënimin belg’. Dhënia e lejes është pritur me dyshime në Shqipëri. “Ky trajtim preferencial tregon edhe njëherë sesa të ngushta janë lidhjet mes politikanëve dhe mafias, si në rastin e Bajrit,” thuhet. “Milicia e tij private ishte përgjegjëse për sigurinë e tij. Edhe sa kohë do duhet që ai të shkojë ku të dojë sërish nën maskimin e lejes ligjore?”