Analisti Lorenc Vangjeli komentoi çeljen e fushatës së PD-së ditën e sotme në Tiranë.
Për emisionin “Log”, Vangjeli shprehet se e njëjta supë po u jepet sërish njerëzve por tashmë në një tenxhere të re.
Për praninë e LaCivitas në krah të Berishës, Vangjeli thotë se nuk do sjellë ndonjë ndryshim tek votuesi shqiptar, pasi nuk garon ai përballë Ramës por Berisha.
Vangjeli: Kjo e sotmja më ngjan me një oi të zgjatur. S’kemi të bëjmë. Këto kemi. Pritshmëria po vjen po vjen, duket sikur në Tiranë konkurron Edi Rama me Chris LaCivita. Chris është njeriu që do drejtojë fushatën por nuk votohet. Është marketuar nga Berisha për të pasur atë që i ka munguar, në përpjekjen e tij për 2 Amerikat një të lig dhe një tjetër të ndershme, që ndikohet nga pëshpëritjet e LaCivitas në veshin e Trump. Ndodh që gënjeshtrat e mëdha pranohen më lehtësisht. Zhvillim normal, shumë pak ndikon tek votuesit shqiptarë. Gjithsesi është bërë më praktik dhe drejtpërdrejtë.
E njëjta supë e vjetër që na shfaqet në tenxhere të reja. Klasa politike nuk është më zgjidhja, për të zgjidhur problemet, por vetë problemi për tu zgjidhur. Është një oii e zgjatur, si vaj jugu. Nuk është se ka për tu ndryshuar ndonjë gjë e madhe.
Dy javët e tjera do kalojmë në një spirale tensioni, besoj se do jetë përvëlues.