Luana Vjollca vazhdon me sukseset e saj të një pas njëshmë. Se fundmi e shohim në kopertinën e revistës “Global Woman”, një revistë prestigjioze britanike që ka zgjedhur këngëtaren shqiptare për kopertinën e muajit shtator. Dhe këtë radhë moderatorja nuk ka ngurruar të rrëfeje për jetën e saj private si dhe për karrierën.
“Unë isha një foshnje 11-muajshe kur im atë u nda nga jeta. Jam rritur me gjithë të mirat, pa më munguar asgjë, pafundësisht e lumtur dhe me këmbë në tokë.
Gjithçka falë nënës sime heroinë që diti si ta përballojë situatën dhe pati forcën për të mos u dorëzuar”, shprehet ajo në intervistë.
“Kur mendoj për jetën e nënës sime dhe vështirësitë që ka kaluar për të na rritur neve e vetme, 4 vajza, them se gjithçka që ne bëjmë sot është shumë e vogël krahasuar me punën që ajo ka bërë”, vijon më tej moderatorja duke u shprehur se e ëma është shembulli më i mirë që ka në jetë.
