Deputetja e Partisë Demokratike, Dhurata Çupi iu është përgjigjur deklaratave të kryeministrit Edi Rama rreth luftës që ka bërë qeveria kundër korrupsionit.
Me anë të një postimi në rrjetet sociale, Çupi ka publikuar shifrat, që sipas saj tregojnë demin ekonomik nga abuzimet me tenderat.
“Meqë kryeminstri i ka qejf shifrat, kjo tabela tregon abuzimet me miliarda lek vetëm këto vite të qeverisjes së Edi Ramës që sot fyen inteligjencen e shqiptarëve me konferencë antikorrupsion. Pra këto janë të gjitha pasojë e abuzimit, tendera pa konkurrencë, tendera me fond limit apo dhënë individëve me precedentë penalë. Këto miliarda edhe prej proceseve gjyqësore të humbura, korrupsionit në çdo insitucion deri në njësitë më të vogla buxhetore. Shifrat e rrëzojnë propagandën e fjalëve boshe zoti Rama. Lexoi herë tjetër para se të dalësh e të lajmërosh suksese imagjinare.”