Pasi humbjes së vulës së Partisë Demokratike, Lulzim Basha nuk humbet kohë dhe nis punën për krijimin e Partisë së Re.
Si fillim, ka ndryshuar faqen në Facebook të Partisë Demokratike, duke i ndryshuar emrin, dhe nga “Partia Demokratike” është bërë “Partia Demokratike – Demokratët Euroatlantikë”.
Është e qartë se, më shumë se një ndërrim emri i profileve në rrjetet sociale, “Demokratët Euroatlantikë” mund të jetë edhe emri i partisë së re që Lulzim Basha ka gjasa të krijojë nëse nuk arrin të marrë sërish logon dhe vulën e PD-së (Lulzim Basha e ka dërguar vendimin e Gjykatës së Apelit, e cila ia dorëzoi partinë Sali Berishës, në Gjykatën e Lartë)
Idenë për krijimin e një partie të re, Basha dhe deputetët e tij e kanë shprehur edhe në daljet mediatike duke pohuar se do të marrin pjesë në zgjedhjet e 2025-ës, për të krijuar një alternativë të re për shqiptarët.
