Një aksident ka ndodhur mëngjesin e sotëm pranë gjimnazit “Janaq Kilica” në Fier, ku një automjet tip “Volkswagen” ka përplasur dy këmbësorë duke u shkaktuar dëmtime të lehta.
Bashkëshortët e dëmtuar janë transportuar menjëherë drejt spitalit rajonal të Fierit, ku po marrin ndihmën mjekësore.
Ndërkohë që policia dhe grupi hetimor ndodhen në vendngjarje për të zbardhur dinamikën e këtij aksidenti. Ndërkaq drejtuesja e mjetit është shoqëruar në polici.