Punimet për rikonstruksionin e fushës së stërvitjes po ecin me ritme të shpejta në mënyrë që skuadra e pare dhe ekipet e të rinjëve të mos stërviten më në ambjentet e brendshme fushës të stadiumit “Liri Ballabani”. Kryetari i Bashkisë Mat, Agron Malaj i cili inspektoi sot nga afër punimet, tha se investimet në terrenet sportive do të vijojnë. Ai u shpreh se këto ambjente nuk do të jenë vetëm për stërvitjen e ekipit apo grupmoshave, por në to do të ndërtohet edhe një kalçeto.
Po ashtu vijon puna edhe për vendosjen e një mijë stolave në tribunën e stadiumit “Liri Ballabani”. Eshtë investuar edhe në ambjentet e brendshme të tij që nga shtrimi me pllakë e deri tek orenditë e nevojshme për sportistët, stafin e gjyqtarëve etj. Investimet do të vijojnë edhe në njësitë administrative.
Me datë 18 Shtator skuadra e Burrelit do të luajë ndeshjen e parë në shtëpi kundër ekipit të Tomorit të Beratit. Deri në këtë ndeshje ambjentet sportive në stadium do të jenë gati për të pritur tifozërinë.