Nuk kishte ndodhur kurrë që bashkia të investonte në shkallët e pallateve, paçka se ato ishin amortizuar keq për shkaqe të ndryshme. Suvatimet kishin rënë. Mungonte ndriçimi. Qytetarët kanë përdoruar ngjyra të shumta, vetëm pranë hyrjeve të tyre. Pra, shkallët e pallateve ishin larg çdo standarti.
Kryebashkiaku Agron Malaj u premtoi kohë më parë qytetarëve se bashkia do të investonte për mirëmbajtjen e shkallëve. Dhe ky premtim po bëhet realitet.
Specialistët e Bashkisë Mat kanë nisur punën në pallatet e Lagjes “Pjetër Budi”, për të vijuar në të gjithë qytetin.
Postimi i Malajt: Ka nisur puna për mirëmbajtjen e hyrjeve të pallateve në qytetin e Burrelit. Aktualisht po punohet për lyerjen dhe patinimin e shkallëve të pallateve në lagjen “Pjetër Budi” blloku Nr.1. Puna do të vijojë deri në lyerjen e shkallëve të të gjitha pallateve në lagjet e qytetit.
