68 propjekte janë drejt përfundimit brenda katër viteve në bashkinë e Matit.
Falë këmbënguljes së kryebashkiakut Agron Malaj, përgatitjes së projekteve cilësore dhe dërgimit të tyre pranë institucioneve shtetërore dhe donatorëve të huaj është arritur që Mati të ndryshojë në çdo drejtim.
Gjatë takimeve me zgjedhësit e fshatrave Baz e Rreth Baz kandidati socialist Agron Malaj u tha banorëve se qyteti i Burrelit po ndryshon plotësisht, ndaj vëmendje do t’i kushtohet rrugëve të fshatrave.
“Kryefjala e punës tonë, u shpreh Malaj, gjatë mandatit të dytë do të jetë infrastruktura rrugore, pasi uji i pijshëm po sigurohet në çdo fshat e qytet, po ashtu rrjeti elektrik është drejt përfundimit. Do të synohet shtrimi me asfalt i rrugëve të fshatrave, duke hequr dorë nga shtrimi i tyre me çakëll e zhavor”, nënvizoi Malaj.