Më 12 shtator, Kuvendi do të shqyrtojë vendimin e Gjykatës Kushtetuese për mandatin e deputetes së PS-së, Olta Xhaçka. Deputetja demokrate Dhurata Çupi, thotë se vendimet e Gjykatës Kushtetuese nuk mund të zhbëhen. Ajo tha edhe se deputeti i PS-së Vullnet Sina ka përfituar miliona lekë nga buxheti i shtetit dhe se atij duhet t’i hiqet mandati.
“Kuvendi votoi pro për të shqyrtuar mandatin e Xhaçkës në seancën e 12 shtatorit. Në një vend demokratik, nuk mund të zhbëhen vendimet e Kushtetueses. PS nuk ka më asnjë argument mbrojtës ndaj Xhaçkës. Ne në mënyrë të vazhdueshme kemi denoncuar korrupsionin dhe arrogancën e qeverisë. Edhe Vullnet Sina ka përfituar miliona nga buxheti publik. Është i paimagjinueshëm shpërdorimi i detyrës nga deputetët e PS.
Ka raporte të Transparency International se Vullnet Sinaj ka ndikuar për të kaluar disa ligje. E kemi çuar Xhaçkën në Gjykatën Kushtetuese 2 herë. Ne nuk mund të heshtim ndaj gjërave që nuk shkojnë, që janë në kundërshtim me Kushtetutën e vendit. Sa i përket SPAK, ne mendojmë se ka gabuar me z Sali Berisha, duke goditur liderin e opozitës, por ne mbështesim punën e drejtësisë, pasi 26 kryetarë bashkie janë nën hetim”, tha deputetja Çupi.