Vazhdojnë keqpërdorimet gjatw punësimeve nëpër institucione dhe administratë shtetërore. Kësaj radhë në Qytetin e Shkupit, raporton TV21.
Në vend pune për zjarrfikës në Njësinë e zjarrfikësve të Qytetit të Shkupit janë punësuar 10 persona prej të cilëve një është shqiptarë ndërsa katër prej tyre si Kire Trajkovski, Dejan Ilievski, Zlatko Serafimovski, Goran Trajkovski janë me emër e mbiemër maqedonas ndërsa përkatësia etnike ju shkruan shqipëtar.
TV21 tentoi të marrë qëndrim nga Qyteti i Shkupit në lidhje me këto keqpërdorime por deri tani nuk kemi përgjigje.
Gjithashtu tentuam të marrim qëndrim edhe nga Ministria për Sistem Politik dhe Marrëdhënie ndërmjet Bashkësive për të pyetur mbi këto manipulime, nga aty mbesin me qëndrim se në Maqedoni nuk ekziston mekanizëm ligjor që mund t’i thuhet dikujt se nuk i takon një përkatësie etnike të caktuar, gjegjësisht nuk mund t’i thuhet dikujt se nuk është shqiptar.