Bashkia Mat sapo është njoftuar për rastet e reja të personave të prekur nga Covid 19 ka marrë masa për dezinfektimin e banesave të tyre si dhe të institucioneve shtetërore, sidomos shkollave ku maturantët vijojnë mësimin. Po ashtu sot administratori i Rukajve ka furnizuar me ushqime dhe medikamente dy familjet e prekura nga koronavirusi. Sakaq drejtuesit vendor nuk hezitojnë t’u kujtojnë banorëve të Matit se ka shumë rëndësi të ndjekin rekomandimet e institucioneve shëndetësore.
Postimi i Bashkisë Mat në fb:
Bashkia Mat
me anë të Drejtorisë së Shërbimeve Bashkiake menjëherë pas marrjes së
informacionit për 6 persona të infektuar në Njësinë Administrative Rukaj, nga
COVID-19 ka nisur punën për marrjen e masave për parandalimin e këtij
virusi, duke bërë të mundur dezinfektimin e banesave ku personat e infektuar
jetojnë. Gjithashtu Njësia Vendore e Kujdesit Shëndetësor Mat njofton se po ju
bëhen tamponat personave të cilët kanë pasur kontakt gjatë këtyre ditëve me të infektuarit.Po ashtu është bërë dhe dezinfektimi i konvikti dhe
gjymnazeve që ndodhen në territorin e Bashkisë Mat.
Bashkia Mat ju bën thirrje të gjithë qytetarëve
Matjanë që të ndjekin rekomandimet e institucioneve shëndetësore për
parandalimin e COVID-19.
• Lani duart në mënyrën e duhur me sapun dhe
ujë, më gjatë se 20 sekonda.
• Shmangni ambientet e mbyllura dhe të hapura me
shumë njerëz.
• Shmangni kontaktin me persona të infektuar dhe
të izoluar.
• Respektoni rregullat dhe rekomandimet e
Qeverisë.
• Përdorni mjete alkoolike për dezinfektim.
• Mbulojeni fytyrën me pecetë gjatë kollitjes
apo teshtimës.