Bashkia Mat ka nisur përgatitjet për 78 vjetorin e Kryengritjes Popullore të matjanëve. Prej dy ditësh qyteti i Burrelit është zbukuruar me rastin e kësaj feste tradicionale.
“Festa e Miqësisë ndalon në qytetin e Burrelit!”, thuhet në një njoftim të Bashkisë Mat. Më tej zyrtarët e kësaj njësie vendore sqarojnë se për tri ditë në Mat do të ketë aktivitete të larmishme, në kujtim të kësaj date të shënuar historike, por edhe për argëtimin e qytetarëve dhe emigrantëve të shumtë që kanë mbërritur dhe pritet të mbërrijnë në vendlindje.
Sakaq kryetari i Bashkisë Agron Malaj shkruan në fb se: “Bashkia Mat me rastin e 78 vjetorit të Kryengritjes Popullore Matjane, ka menduar 3 netë ndryshe në qytetin e Burrelit. Festojmë bashkë.”
Postimi i plotë i Bashkisë Mat:
#Festës_Së_31_Korrikut_I_Bashkohet_Dhe_Festa_E_Miqësisë.
Festa e Miqësisë ndalon në qytetin e Burrelit!
Bashkia Mat, me rastin e 78 vjetorit të Kryengritjes Popullore Matjane, ka menduar 3 netë ndryshe në qytetin e Burrelit.
Aktiviteti nis më datë 30.07.2021 ora 20:00, tek Sheshi “Ahmet Zogu” ku do të organizohet një aktivitet festiv nga Festa e Miqësisë. Në këtë festë do të performojnë dy këngëtarë të mirënjohur dhe të pëlqyer nga publiku, Mateus FRROKU dhe Era RUSI.
#Me_31_Korrik ai pason me të tjera aktivitete festive Në orën 09 : 30 do të kemi homazhet kushtuar kryengritjes Popullore Matjane. Në orën 10 : 00 nis panairi artizanal, bujqësor, blektoral, promovues etj Në orën 10 : 30 fillon shfaqja e teatrit të kukullave për fëmijë TKKT dhe performancë cirku CKT ora 11:00. Ndërsa në orën 20 : 00 nis koncerti festiv nga Ansambli I Matit dhe QKF MAT.Më pas programi vazhdon me dy këngëtarët Orgesa & Landi dhe Simpatico Band.
Festa e Miqësisë do qëndrojë për matjanët dhe jo vetëm, deri më datën 01.08.2021 nga ora 20 : 00 duke performuar në skenë Redon Makashi, Elton Deda & Aleksandër Gjoka.
Bashkia Mat, ju mirëpret në këto netë festive, të festojmë sëbashku.
Festa e Miqësisë ndalon në qytetin e Burrelit!
#festaemiqesise #birraelbar #festepermiqtevertete
