Qindra banorët të fshatrave Kurdari, Skënderaj, Kurqelaj, Suç dhe Kujtim si dhe kryetarët e këtyre fshatrave kanë firmosur një peticion drejtuar institucioneve të larta shtetërore ku kërkojnë mbrojtjen me çdo mjet demokratik të mjedisit, pyjeve, florës, faunës, ujit, pasurive nëntokësore, etj.
Banorët kanë protestuar dhe kërkuar të mos ndërtohen hidrocentrale dhe impianteve të pasurimit në territorin e Njësisë Administrative Suç pasi dëmi ekonomik dhe ekologjik është shumë i madh.
Kryetarët e fshatrave Milazim Hystuna, Robert Fizmani, Ervis Dara, Nazmi Hoxha, Flamur Keçi shprehen se Kurdaria dhe fshatrat e tjerë të zonës janë hambar i prodhimeve bujqësore dhe blektorale për gjithë krahinën dhe më gjërë. Shfrytëzimi i ujit për HEC-e dhe ndërtimi i impianteve të pasurimit të kromit shkakton dëme të pallogaritshme në dëm të bujqësisë, blektorisë dhe çdo gjallese tjetër të dobishme. Këto ndërtime abuzive shkaktojnë sakaq braktisjen e zonës së banuar prej shekujsh.
“Ne, thanë kryetarët e fshatrave si dhe banorët e këtushëm, nuk do të lejojmë shkatërrimin e këtyre pasurive pa të cilat jetesa bëhet e pamundur. Kërkojmë nga institucionet shtetërore dhe vendorët e Klosit se duhet të jenë në mbështetjen tonë, të banorëve autokton dhe jo të disa individëve që kërkojnë të pasurohen me ujin, pyjet dhe mineralet e zones, në kurriz të jetës së banorëve të vuajtur të Suçit”.
