Në mbledhjen që socialistët e Matit zhvilluan sot kanë konsoliduar strukturat e tyre në të gjitha nivelet.
Ashtu siç u zgjodhën bashkëkryetarët Hasan Pasha e Lindita Barçi, u zgjodhën ditët e fundit kryetarët e këshillave socialistë në tetë Njësitë Administrative, Burrel, Komsi, Lis, Rukaj, Baz, Macukull, Derjan e Ulëz.
Në Asamblenë Socialiste të Bashkisë Mat u zgjodh Myslim Zeneli sekretar organizativ dhe koordinatorët elektoral, dixhital, për emigracionin, çështjet zgjedhore, burimet njerëzore dhe median e shoqërinë civile; Roland Kurti, Elson Reçi, Altin Bojni, Kastriot Panavija, Flutura Biba dhe Anduena Sefgjini.
Në fjalën e tij kryetari i bashkisë Mat Agron Malaj falenderoi të zgjedhurit dhe premtoi se bashkëpunimi do të jetë i dobishëm në interes të qytetarëve matjan. Ai shtoi se investime mjaft të rëndëdishme janë kryer në bashkinë e Matit dhe se të tjera projekte do të realizohen falë mbështetjes së Qeverisë Rama.