Gazetari Alfred Lela ka publikuar edhe akt-ekspertizën e mjekut ligjor shtetëror që konstaton një sërë shenjash dhune në sipërfaqe të trupit si maviosje, gërvishtje por edhe humbje ekuilibri apo marrje mendsh gjatë lëvizjes së qafës.
“Eksperti mjeko-ligjor (i shtetit) ka parë këto shenja dhe të tjera, që specifikohen në raportin zyrtar, që Rama, Lleshi e të tjerë lokalë, por edhe ndërkombëtarët, të cilat e ngrenë zërin edhe për macet e humbura, nuk ua kanë zënë sytë.
Ja ku i kanë, në rrugë e sipër për në gjykatë. Ndoshta nuk i sheh as gjykata. Të gjithë këta bashkë mund të mos kenë sy, por, sa për vete, atë zë që kam nuk ma heshtin dot,” shkruan gazetari Lela në rrjetet sociale, teksa thotë se do ngre padi në gjykatë për dhunën e ushtruar ndaj tij nga policia gjatë protestës kundër shembjes së Teatrit Kombëtar.