Mbetjet në Elbasan vijojnë të digjen prej 6 ditësh. Ende ka prezencë të tymit toksik, ndonëse në intensitet më të ulët se ditët e kaluara. Aktualisht në terren janë 22 forca dhe 5 automjete zjarrfikëse që po punojnë për të shuar totalisht vatrën e zjarrit.
Janë prezentë edhe mjeteve të tonazhit të rëndë që vijojnë të hedhin inerte për të normalizuar situatën. Ministria e Mbrojtjes tha se në terren janë edhe një grup ekspertësh për matjen e ndotjes së ajrit.
Banorët e fshatit Bradashesh, që jetojnë pranë vendgrumbullimit, janë shprehur më herët për mediat se shëndeti i tyre është i rrezikuar për shkak të ajrit të ndotur. Dy ditë më parë, një grup i specializuar nga Co-PLAN dhe Milieukontakt monitoruan situatën në terren dhe vlerësuan ndikimet e zjarrit në cilësinë e ajrit.
Përqendrimet e ndotësve të ajrit të regjistruara vetëm pak orë pas shpërthimit të zjarrit rezultuan mbi normat e pranuara nga BE dhe me pasoja serioze për qytetarët. Siç thonë ekspertët, në mjedis, një ditë pas zjarrit niveli i dioksidit të karbonit (CO₂) ishte rreth 521 – 794 ppm.
Në ajër u gjet gjithashtu një nivel i lartë metani, 3-4 fish më lart se normalja, që sipas ekspertëve përbën rrezik potencial për shpërthime dhe ul nivelin e oksigjenit në nevojshëm për frymëmarrje.