Nesër Partia Socialiste do të mbajë mbledhjen e Asamblesë Kombëtare. Ajo do të zhvillohet online. Deputetëve, kryetarëve të bashkive, kryetarëve të PS-së në njësitë vendore dhe antarëve të AK-së u është shpërndarë sot rendi i ditës së kësaj mbledhje.
Mësohet se fjalën e hapjes do të mbajë Kryeministri Edi Rama. Me siguri do të flitet për arritjet dhe mosarritjet e fushatës së fundit elektorale si dhe do të përcaktohen detyra konkrete për çdo antar të AK-së.
Në këtë mbledhje do të flitet për analizën e rezultateve në çdo bashki, fillimin e antarësive të reja, zgjedhjet e reja në strukturat vendore, etj.
Rendi i ditës:
1.Hapja e mbledhjes.
2. Miratimi i projekt-vendimit “Për thirrjen e Kongresit të Jashtëzakonshëm të Partisë.”
3. Informacion për gjendjen dhe veprimtarinë e strukturave organizative vendore të partisë.
4. Miratimi i projekt-vendimit “Për analizat e rezultateve të zgjedhjeve të 25 prillit 2021 në strukturat vendore të Partisë.”
5. Miratimi i projekt-vendimit “Për zgjedhjet e reja në strukturat vendore të Partisë.”
6. Miratimi i projekt-vendimit “Për zhvillimin e fushatës së antarësimeve të reja, shtator 2021-Maj 2022.”
7. Miratimi i projekt-vendimit “Për përfundimin e proçesit të ngritjes dhe të funksionimit të regjistrit digital të Partisë.”
8. Miratimi i kalendarit politiko-organizativ të Partisë për periudhën 15 qershor-31 dhjetor 2021.
