Takimet kokë më kokë të kryesocialistit Edi Rama me 12 drejtuesit politikë të qarqeve u mbyllën pas një dite të gjatë.
Takimet nisën që prej orës 10:00 dhe përfunduan në orën 18:00 të kësaj të diele.
Të gjithë drejtuesit dorëzuan propozimet për kandidatët për deputetë për 12 qarqet.
Tani, në tryezën e Ramës janë të gjithë emrat e kandidatëve për deputetë për garën e 11 majit.
Gjatë takimeve, janë shqyrtuar emrat për listën e mbyllur dhe të hapur.
Lista do të kalojë edhe në mbledhjen e Kryesisë së PS-së të mërkurën, në të njëjtën ditë kur do të dorëzohen edhe në KQZ.
Në total, janë 186 emra të propozuar për 12 qarqet.