Temperaturat e larta dhe koha me diell kanë bërë që shumë njerëz të “shpërngulen” në shtëpitë e pushimit për të kaluar këto ditë në karantinë. Kështu ka ndodhur edhe me moderatoren e njohur, Arbana Osmani, e cila ka vendosur të largohet nga Tirana këto ditë. Ajo ka publikuar një foto në rërë, por ky moment nuk ka kaluar pa replikë me ndjekësit.
Një prej tyre e pyet se me çfarë lloj leje doli në plazh apo me atë të gazetarit dhe Arbana nuk ka hezituar të përgjigjet menjëherë. “Kam shtëpinë këtu”, i kthehet ajo duke sqaruar një herë e mirë situatën, edhe për ndjekës të tjerë që mund të kenë pyetje të tilla.
