Modelja nga Kosova, Arta Nitaj është kthyer ditët e fundit në qendër të vëmendjes për shkak të disa mesazheve të publikuara nga YouTuberi Teddy Grey, sipas të cilit ajo merr 5 mijë euro në këmbim të kalimit të një nate me të.
Së fundmi, Nita ka publikuar një “story” në “Instagram”, ku thekson se “nuk i intereson më asgjë”, duke zgjedhur të mos japë asnjë reagim të drejtpërdrejtë në lidhje me vërtetësinë e fotove apo bisedave që blogeri britanik ka shpërndarë.
“Fakti që nuk më plas më për asgjë është e rrezikshme”, shkruan ajo.
YouTube-ri britanik ka postuar fillimisht një bisedë private që është zhvilluar sipas tij nga “Instagrami” i Arta Nitajt. Në këto mesazhe një person i shkruan modeles se duhet të takohen, ose në rast të kundërt ai do të publikojë foton e saj nudo. Personi në fjalë pretendon se Arta Nitaj i ka marrë 5 mijë euro për një natë.
Ndërkohë, modelja ia kthen po me kërcënim duke i thënë: “Provoje dhe e shikon çfarë të gjen”, ndërsa i kërkon ta fshijë foton.
