Tensionet dhe përplasjet mes opozitës dhe Gardës, janë bërë lajm edhe në mediat greke. Në një artikull të botuar ”Protothema” shkruan se opozita protestoi për zv/kryeministren Belinda Balluku dhe zyrtarëve të tjerë të akuzuar për korrupsion.
”Ligjvënësit ndezën flakadanë, hodhën ujë drejt kryetarit të parlamentit dhe zunë vendet e rezervuara për ministrat e qeverisë në një përpjekje për të ndërprerë seancën përpara se Garda të ndërhynte. Nuk mund të ketë parlament me ata që e vjedhin dhe e shkatërrojnë”, citon Sali Berishën Protothema, duke shkruar se kreu i Partisë Demokratike në opozitë tha se “Ligji dhe vetëm ligji duhet të mbizotërojë”,-shkruhet në artikull.
Deputetët kërkojnë të shohin aktakuzën zyrtare me akuzat kundër zv/kryeministres Belinda Balluku. Zyra e Prokurorit të Posaçëm, e ngarkuar me luftën kundër korrupsionit dhe krimit të organizuar, i ka kërkuar parlamentit të autorizojë arrestimin e Balluku, dhe Parlamenti pritet të votojë për kërkesën të premten.
”Balluku e cila shërbeu gjithashtu si ministre e infrastrukturës dhe energjisë dhe është aleati më i ngushtë i Ramës në kabinet, dyshohet se është përfshirë në praktika korruptive që synojnë favorizimin e kompanive përgjegjëse për projekte të mëdha infrastrukturore, duke përfshirë një tunel dhe unazën rrugore në kryeqytet, Tiranë”,- shkruan ”Prothotema”.