”Big Brother Albania Vip 3” u finalizua me fitoren e Egla Cenos më 25 maj. Por në 4 muaj, shumë ngjarje dhe pikëpyetje mbeten. Meritoni dhe Romeo kishin një marrëdhënie të ngushtë me njëri-tjetrin, por gjatë rrugëtimit të tyre patën disa keqkuptime gjë që solli krisje në raportin e dy shokëve, të cilët njiheshin që prej jashtë shtëpisë.
Në afërsi të fundit të programit, ata bënë paqe dhe gjatë gjithë kohës u panë të jenë pranë njëri-tjetrit dhe po ashtu duke e mbështetur njëri-tjetrin në lojë, sidomos Meritoni-Romeon, ku ky i fundit u sulmua shumë prej banorëve të tjerë.
Pas daljes nga formati, diçka ka rënë në sy mes tyre. Dhe pse gjatë kohës që ishin në “Big” ata nuk ndiqeshin në rrjete sociale, kjo s’do të thotë që s’duhet të bëheshin pasi të dilnin. Mirëpo kjo gjë ka ndodhur. As Meritoni dhe as Romeo nuk e ndjekin njëri-tjetrin në rrjete sociale. Po ashtu as Heidi dhe Ilnisa nuk ndiqen. Mos ndoshta dy çiftet i kanë shkëputur totalisht raportet e tyre me njëri-tjetrin?