Imazhet e trupave perfekt që qarkullojnë kudo nëpër hapësirat virtuale kanë një ndikim negativ të dejtëpërdrejtë tek femrat (dhe kjo është e vërtetuar). Janë modelet ato që kanë përmasat ideale 90’ 60’ 90’, por ato punojnë për këto përmasa, punojnë për performancën e tyre, modelingun e kanë punë. “Format normale” të një femre mund të kategorizohen si : Trupi në formë dardhe, në formë molle, në formën e orës së lakur dhe trupi i rregullt i drejtë. Më poshtë do të gjeni disa këshilla që do ju ndihmojnë të zgjidhni veshjet e duhura sipas formës së trupit tuaj.
Forma “Mollë”
Zhvendoseni vëmendjen nga beli dhe supet tuaja. Duhet të nxirrni në pah pjesën e poshtme të trupit.
Fustanet dhe fundet e drejta ju tregojnë pa forma, ndaj duhet të guxoni të vishni veshje pas trupi.
Ngjyrat e errëta ju përshtaten në mënyrë të përkryer
Forma “Dardhë”
Ndryshe nga trupi mollë, femrat me format e trupit “Dardhë” duhet të përqëndrohen në pjesën e bustit dhe të qafës. Duke qenë e gjërë në pjesën e fundme të trupit dhe e ngushtë tek shpatullat ju duhet të vishni bluza fustane që me prerjen e tyre të balancojnë gjerësine e vitheve me shpatullat.
Forma “Drejtkëndësh”
Shmangni xhinset e gjera. Vishni funde dhe fustane që të nxjerrin në pah drejtësinë e këmbëve tuaja. Mund të vendosni një rrip në bel për të dhënë idenë e një trupi me forma të lakuara.
Forma “Orë e lakuar”
Ky është trupi me format më të bukura dhe duhet të visheni në atë mënyrë që të nxirrni në pah belin dhe shpatullat e vithet e lakuara. Ndiqni linjat e trupit tuaj dhe veshni rroba që janë ngjitur pas trupi.
Bluzat dhe fustanet me jakë V do të nxjerrin në pah bukurinë e bustit tuaj, por nëse doni ta zhvendosni vëmendjen nga busti juaj në pjesën e poshtme të trupit, thjesht mos e rëndoni qafën tuaj me varëse.