Një ndër gjërat që na mungon më shumë gjatë këtyre ditëve të izolimit në shtëpi janë qendrat estetike dhe kujdesi ndaj pamjes së jashtme.
Vajzat tani po ankohen më shumë se kurrë pasi ndjejnë nevojën e menjëhershme për të bërë thonjtë dhe për të lyer apo prerë flokët.
Le të qendrojmë më konkretisht tek flokët dhe majat dyshe apo e thënë ndryshe majat e djegura.
Si mund t’i zhdukim ato në pamundësi për të shkuar tek parukiera?
Tani që jemi në karantinë kemi akoma më shumë kohë që më në fund të praktikojmë maskat natyrale në kushte shtëpie. Nëse deri dje justifikoheshit se nuk kishit kohë, tani këto justifikime nuk mund t’i pranojmë më.
Përgatisni maskën me vezë, aloe vera dhe një lugë mjaltë. Pasi ta aplikoni në flokët tuaj, mbajeni për rreth një orë dhe më pas shplajeni me një lugë gjelle uthull molle në një gotë me ujë. Kjo maskë do forcojë flokët tuaj dhe për më tepër do ju shkëlqejnë.
Mund të aplikoni dhe maskat e tjera tradicionale që realizohen mjaft mirë në kushte shtëpie siç mund të jetë maska me vaj ulliri që mund ta kombinoni me mjaltë.
Guxo t’i presësh flokët vetë ose kërkoja shoqes së dhomës apo dhe të dashurit tuaj nëse jeton me të. Të shumtë janë edhe personazhet e njohur të cilët po i presin flokët vetë. Nëse nuk do i prisni në mënyrë të drejtë, të paktën do krijoni disa momente argëtuse.
Kini kujdes mos i lani flokët me ujë të nxehtë, pasi i dëmton flokët. Ndër të tjera sugjerohet që të mos i thani flokët fort me peshqir.
Përdor krehër me dhëmbë të gjerë dhe lumturohuni që për arsye se jeni në karantinë nuk e keni me të nevojshme të përdorni pjastër dhe tharëse aq shpesh sa në normalitet.