Mësuesit në Londër po marrin pjesë në një protestë gjatë grevës për mosmarrëveshjen mbi pagat. Shumica dërmuese e tyre kanë refuzuar ofertën e qeverisë për pagat, e cila synonte t’i jepte fund një sërë grevash përçarëse, tha sindikata e tyre të hënën, e cila edhe ka njoftuar vazhdimin e grevës.
Sindikata kombëtare e arsimit, më e madhja sindikatë arsimore ne Britani, tha se 98% e mësuesve që votuan, ndoqën këshillën e saj për ta refuzuar ofertën e një pagese një herë në vit prej 1000 paund dhe një rritje mesatare të pagës prej 4.5% në financimin e vitit të ardhshëm.
“Ky refuzim i fuqishëm i ofertës së qeverisë duhet ta rikthej ne tryezë për negociata (ministren e arsimit) Gillian Keegan më një propozim shumë më të mirë,” thanë në nje deklaratë të përbashkët Sekretarët e Pergjithshëm të NEU, Mary Bousted dhe Kevin Courtney.
Dhjetëra mijëra mësues në të gjithë Britaninë kanë ndërmarrë aksione greve këtë vit në kërkim të një çmimi pagash mbi inflacionin, duke i lëne klasat bosh dhe duke bërë presion mbi kryeministrin Rishi Sunak për të ndimuar në zgjidhjen e mosmarrëveshjes.