Përfaqësuesi i PD për çështjet zgjedhore, Ivi Kaso, i është përgjigjur deklaratës së presidentit Meta, i cili u shpreh se listat e partive politike janë të mbushura me servilë të kryetarëve.
Në një intervistë për Klan News, Kaso ka thënë se nuk sheh personalitete të PD që në mënyrë publike t’i kenë bërë fresk një kryetari.
Madje ai sfidon kreun e shtetit që të flasë me emra konkretë në rast se ka të tillë.
Presidenti Meta thotë se listat e partive politike janë të mbushura me servilë të kryetarëve duke përfshirë të dyja forcat politike…
Ivi Kaso: Nuk e di kujt i referohet presidenti. Nëse ka emra bën mirë të flasë me emra. Nuk shoh në listën tonë, nëse i merrni të gjithë personalitetet atje, jo vetëm nga PD por edhe nga prurjet e subjekteve aleate, persona të cilët në mënyrë publike i kanë bërë ‘fresk’ një kryetari.
Sa më përket mua, nuk e ka patur me ne dhe e sfidoj që të përmendë emra dhe të flasë me emra konkretë.