Presidenti Ilir Meta i qëndron mendimit se kryeministri Edi Rama nuk ka bërë transparencën e duhur për çështjen e Detit dhe marrëveshjen me Greqinë. Nga Saranda ku ishte në mbështetje të Aleancës për Dhurimin e Gjakut, presidenti takoi dhuruesë gjaku, të cilët ishin kryesisht shtetas të huaj me banim në qytet, Meta u pyet nga gazetarët për çështjen e Detit.
Presidenti tha se nuk ka “komente të veçanta”, dhe theksoi rëndësinë që ka vendimi i Gjykatës Kushtetuese.
“Nuk kam asnjë arsye të veçantë pse të bëj komente të veçanta nga Saranda. Ka një vendim të posaçëm të Gjykatës Kushtetuese të kërkuar nga opozita asaj kohe dhe kryetari i opozitës që sot është edhe kryeministër, Edi Rama. Kam qenë për zgjidhjen e drejtë dhe të gjitha veprimet e mia kanë qenë komform kushtetutës, ndërkohë që për fat të keq nga ana e kryeministrit nuk ka pasur as transparencë apo një bashkëpunim të besueshëm siç e meriton kjo çështje e një rëndësie kaq të madhe. Duhet të zgjidhetnë mënyrën më të drejtë për të dyja vendet dhe kësaj i shërben vetëm transparenca.”- tha Meta.