Milani bën urimin e veçantë për Zlatan Ibrahimovic: Nuk lindin më lojtarë si ti

Për 41 vjetorin e lindjes, Zlatan Ibrahimovic ka marrë një mesazh të veçantë edhe nga Milani, klub të cilin e “ringjalli” me rikthimin e tij në Milanello në janarin e vitit 2020. “Nuk ka më lojtarë të tillë. Me një fjalë: unik. Paç një ditëlindje hyjnore”, shkruajnë kampionët e Italisë. Ibra vazhdon të punojë fort për t’u rikthyer sa më shpejt në fushën e blertë dhe për të dhënë kontributin e tij me kuqezinjtë e Stefano Piolit, të cilët rikthehen të mërkurën në fushë për duelin vendimtar ndaj Chelsea në Champions League.