Pak kohë pasi policia britanike zyrtarizoi hetimet për vetëvrasjen e ish shefit të FIA-s, Max Mosley, ish miku i tij dhe ish pronari i Formula 1, Bernie Ecclestone e shikon veten në telashe të mëdha.
Manjati britanik që themeloi perandorinë e Formula 1 është arrestuar në Brazil për armëmbajtje pa leje. Nuk dihen shkaqet por ai u zbulua në aeroport pasi çanta e tij u skanua në rrezet X.
Ecclestone kishte udhëtuar nga Zvicra me një avion privat drejt Brazilit dhe sipas policisë, bëhet fjalë për një pistoletë të kalibrit 32. Nga miliarder në një njeri të përfolur për armëmbajtje pa leje, Ecclestone është në telashe të vërteta.
Ai e pranoi pronësinë e armës por shtoi se nuk ishte në dijeni të faktit që ndodhej në bagazhin e tij. Manjati është rikthyer menjëherë në Zvicër në pritje të gjykimit pasi pagoi edhe për lirinë me kusht. 91-vjeçari është martuar me bukuroshen braziliane Fabiana Ecclestone.