Ministri i Drejtësisë, Besfort Lamallari ka marrë fjalën e tij në Kuvend, ku tha se vitin e ardhshëm shënohen 10 vjet nga miratimi i reformës në drejtësi.
Sipas ministrit ky është një moment i rëndësishëm për shtetin shqiptar, pasi kjo nismë i dha jetë institucioneve të drejtësisë. Ai shtoi më tej se të qënit vend kandidat për në BE është falë kësaj reforme të mundësuar sipas tij nga PS. Ndërkohë ministri shtoi se ndryshe nga PS, opozita kërkon asgjësimin e SPAK dhe sulmon prokurorët e gjyqtarët.
“Viti i ardhshëm shënon një moment të rëndësishëm për shtetin shqiptar. 10 vite nga miratimi i reformëes në drejtësi. Nismë që i dha jete insititucioneve të reja të drejtësisë. Shqipëria si gjithë Europa, nuk është më një thirrje utopike, pas kolpasit të një regjimi shtypës. Qënia vend kandidat është falë përparimit nga zbatimi i reformës në drejtësi.
Për ta përmbyllur doja të thoja ishte PS ajo që ideoi dhe vënien në jetë të reformës në drejtësi. Shqiptarët e dinë shumë mirë kush kërkon asgjësimin e SPAK. Ne punojmë për forcimin e standardeve të institucioneve të drejtësisë duke përfshirë rishikimin e Kodit Penal”, tha Lamallari.