Ministri i Drejtësisë Ulsi Manja, njëkohësisht drejt politik i PS-së për Qarkun e Dibrës pak orë pas hapjes së Rrugës Arbrit ka falenderuar kryeministrit Edi Rama dhe ministren Balluku duke u shprehur se: “Për këtë projekt, në çdo tavolinë vendimesh, në çdo bisedë, kam qenë grindavec, i bezdisshëm, këmbëngulës, inatçi jo pak herë.”
Postimi i Ulsi Manja:
Kur ai tra betoni u ngrit peshë edhe në sy të Edit dhe Belës, duke simbolizuar çeljen e Rrugës së Arbërit, u largua edhe nga supet e mia ajo peshë e rëndë mal, që më shtypte prej kur nisa aktivitetin politik
Për këtë projekt, në çdo tavolinë vendimesh, në çdo bisedë, kam qenë grindavec, i bezdisshëm, këmbëngulës, inatçi jo pak herë
Mosqënia ime si deputet i Dibrës nuk ma zbehu aspak këmbënguljen dhe në ditën e sotme do të isha aty edhe nëse vija si dibranët e vjetër, majë mushkës
Prandaj, tani në këtë orë, pas qindra e mijëra mesazhesh, dua të falënderoj përzemërsisht Kryeministrin Edi Rama, për fjalët, presionin pozitiv, shtysën e ëndrrën e kthyer në realitet
Falenderim një për një edhe gjithë kolegëve të majtë prej vitit 2013 e në vazhdim për mbështetjen dhe përkrahjen e tyre në çdo rast