Gazetari Mentor Kikia ka thënë në Euronews Now se ndryshimet e papritur të qeverisë, të njoftuara nga kryeministri Rama në Kongresin e Partisë Socialiste, pasqyrojnë dy anë.
Në logjikën e Kikias, në njërën anë qëndron fuqia e një njeriu të vetëm për të vendosur për partinë që udhëheq, pa u konsultuar me askënd.
Kurse në anën tjetër, ai tha se ndryshimet e shpejta në qeveri, reflektohen edhe në vendimarrjen e ministrave dhe mbarëvajtjen e institucioneve që ata drejtojnë.
“E para ka të bjë me filozofinë e qeverisjes. Një ministër nuk është një roje shkolle që mund ta pushosh nga puna. Kjo ka të bëjë me komunikimin. Problemi është që pse shkarkohet për 10 muaj. Ministri ka filozofinë dhe politikën e vetë për të bërë ndryshime në sektorin e tij. Dhe pas 10 muajsh ti e heq, pa dhënë një shpjegim. Në momentin që hallakat qeverinë, është një lloj çoroditje. Rama i shkarkonte këta duartrokisnin. Pjesa e dytë ka të bëjë me demokracinë e vetë, si është partia do jetë edhe pushteti. Tregoi që aty vendos një njeri i vetëm.” –analizoi gazetari.
Sipas Kikias, problemi rrënjësor është regresi që ka pësuar politika shqiptare, duke nënkuptuar që filozofia e një partie sot vendoset nga një njeri i vetëm.