Ministrja e Punëve të Jashtme të Kanadasë, Melanie Joly, do të vizitojë nesër Tiranën në kuadër të turit të saj në Slloveni dhe Maqedoninë e Veriut. Gjatë kësaj vizite, ministrja do të pritet nga homologia Olta Xhaçka.
Marrëdhëniet politike dhe diplomatike mes dy vendeve Shqipëri-Kanada, janë zhvilluar ndjeshëm gjatë këtyre viteve, me ndikim të drejtpërdrejtë në fuqizimin e bashkëpunimit në fusha të interesit të ndërsjellë.
Theksojmë se të dy vendet ndajnë vlera të përbashkëta dhe si aleate në NATO, të cilat janë të angazhuara për ruajtjen e paqes dhe sigurisë në nivel rajonal dhe ndërkombëtar.