Pas fitores historike të ekipit kuqezi në Serbi, nesër (e martë) Kombëtarja Shqiptare do përballet me Jordaninë në një miqësore në “Air Albania”, që fillon në orën 19.00. Para kësaj sfide, në konferencë doli trajneri i kombërares, Sylvinho.
”Në fakt unë nuk besoj në miqësore, unë besoj se në çdo ndeshje duhet të futemi për fitore. Jemi duke punuar shumë dhe që nesër në mëngjes do të kemi lojtarët që do luajnë. Theksoj që kemi lojtarë që kanë gjashtë muaj ose 1 vit me ne, por që nuk kanë luajtur, Cake dhe Gripshi më pëlqejnë shumë. Jam pak i lodhur. E kemi thënë edhe më përpara nuk ishte një ndeshje normale. Llogaritë që duhet të bëjmë janë ndeshjet në nëntor, është hera e parë në histori që kombëtarja luan çdo gjë për kualifikimin dhe për herë të parë mund të shkojë në Play Off”’,-tha tranjeri.
Klisman Cake është ftuar nga tranjeri i Kombëtares për miqësoren që Shqipëria do të luajë nesër përballë Jordanisë në ”Air Albania”. I pranishëm në konferencën për shtyp këtë të hënë bashkë me tranjerin Sylvinho, vetë Cake tha se nuk e priste ftesën dhe se nga ana tjetër, ekipi ku ai bën pjesë, Shkëndija u gëzua për fitoren kuqezi në Serbi.
Emocionet e këtij grumbullimi. Të rinjtë me këmbë të mbarë- Emocionet nuk mund t’I përshkruaj. Ka qenë ëndërr për mua, siç është për çdo fëmijë. Jam i grumbulluar dhe po jetoj ëndrrën.
Grupi? Grupi është shumë mirë. E kam gjetur shumë të bashkuar, si në rrallë vende është. Dua t’i falenderoj për mikpritjen.
Bisedë me Silvinjon? Nuk kisha folur më parë, fola pasi erdha në hotel.
Nesër debutimi? Normalisht që jo, askush nuk e jep këtë premtim. Ne gjithmonë jemi gati për Kombëtaren. Askush nuk premton gjë.
A e prisnit një ftesë? Nuk e kisha menduar gjatë. Kur më erdhi, ishte surprizë. Jam shumë i lumtur që jam këtu. Gjithë jetën kuqezi.
Çfarë iu kanë thënë te Shkëndija? Te Shkëndija janë gëzuar shumë. Duke ditur sa shumë e duan Kombëtaren dhe sa patriotë janë. Më uruan të fitoj lojën me Serbinë, që ishte kryesore.
Emocionet? Te Shkëndija më japin emocion ngjyrat kuqezi, por Kombëtarja ka ndjesi tjetër. Nuk krahasohet me asnjë klub.
Keni thirrje? Nesër ftoj të gjithë tifozët, si kanë dalë nëpër rrugë, i ftoj të vijnë në stadium dhe ta festojmë së bashku atë fitore që arritëm.
