Në shumë studime është parë që vetëm 30% e jetëgjatësisë varet nga gjenetika e trashëguar. Kjo do të thotë që përqindja më e lartë i mbetet faktorëve të jashtëm, ku përfshihet dhe ushqimi.
Sipas studimeve personat që nuk konsumonin mish, apo nënprodukte të tij, jetonin më gjatë sepse konsumimi në sasi të mëdha të produkteve të mishit sjell dhe ndikimet e tij në organizëm.
Ja disa nga arsyet pse personat që nuk konsumojnë mishin jetojnë me gjatë:
1. Kanë humor më të mirë
Sipas hulumtimit të kryer në vitin 2012, u vu re se personat me një dietë vegjetariane kishin një humor më të mirë se pjesa tjetër.
2. Janë më pak të rrezikuar nga sëmundjet e zemrës.
Vegjetarianët janë 32% më pak të rrezikuar për të vuajtur nga sëmundjet e zemrës.
3. Janë më pak të rrezikuar ndaj kancerit
Janë studiuar versione të ndryshme të dietave vegjetariane nga një universitet në Kaliforni dhe është zbuluar që këto dieta kanë shumë përfitime. Vegjetarianët kanë rrezik më të ulët për kancerin, sidomos për llojet më të zakonshme të kancerit në mesin e grave, si kanceri i gjirit.
4. Janë më pak të rrezikuar ndaj diabetit
Dietat vegjetariane nuk kurojnë diabetin, por aktualsiht ato ulin rrezikun e prekjes nga kjo sëmundje, pasi ndihmojnë në ruajtjen e peshës dhe përmirësojnë kontrollin e sheqerit në gjak.
5. Janë më pak të rrezikuar nga mbipesha
Vegjetarianët përgjithësisht janë më të dobët se personat që konsumojnë mish, dhe ata kanë nivel më te ulët kolesteroli si dhe një indeks më të mirë të masës trupore (BMI).