Tenisti Nick Kyrgios ka vendosur që të zbresë në fushë personalisht. Kësaj here jo për të luajtur, por për të ndihmuar personat apo familjet që gjenden në vështirësi ekonomike dhe rrezikojnë që të mos blejnë dot ushqime apo shërbime për të jetuar.
Në një postim të tij në rrjetet sociale, ai shkruan se është gati t’i ofrojë ndihmë kujtdo që ka realisht nevojë. “Nëse dikush nuk punon apo nuk ka para dhe ka mbetur pa ushqime, të më shkruajë dhe të mos flejë me barkun bosh! Mos kini frikë ose turp, më dërgoni një mesazh në privat. Do të më lumturonte që të ndaja me ju atë që kam apo kam fituar”.
“Nuk ka rëndësi nëse është pak, pra një kuti, bukë apo qumësht. Rëndësi ka që ta lë në shtëpinë tuaj dhe të largohem”, shkruan Kyrgios.